Krist­ín Svava Tóm­as­dótt­ir og Guðrún Elsa Braga­dótt­ir eru höf­und­ar bók­ar­inn­ar Duna - Saga kvik­mynda­gerðar­konu og segja frá því að verk Guðnýj­ar Hall­dórs­dótt­ur, sem yf­ir­leitt var kölluð Duna, hafi valdið fjaðrafoki.

Guðný er ein af­kasta­mesta kvik­mynda­gerðar­kona þjóðar­inn­ar og eft­ir hana liggja ást­sæl­ar gam­an­mynd­ir eins og Stella í or­lofi og Karla­kór­inn Hekla en einnig drama­tísk­ar mynd­ir á borð við Ung­frúna góðu og Húsið og Veðra­mót, auk fjölda heim­ild­ar­mynda og sjón­varpsþátta.

Sögu­kon­an Duna hef­ur orðið í þess­ari bók. Hér seg­ir frá geðstirðum þýsk­um kvik­mynda-leik­stjóra í of lít­illi sund­skýlu og femín­ísk­um til­raun­um með kvik­mynda­miðil­inn á Lang­jökli. Metnaðarfull­ar vin­kon­ur stofna Kvik­mynda­fé­lagið Umba, ráðning­ar­samn­ing­ur er und­ir-ritaður aft­an á leik­ara­mynd af Brigitte Bar­dot og sænsk­ur tökumaður ráf­ar um Flat­ey á Breiðafirði í leit að hverf­ispöbbn­um. Hápóli­tísk ára­móta­s­kaup hrista ræki­lega upp í sam­fé­lagi sem er tregt til að horf­ast í augu við óþægi­leg­an sann­leika – en get­ur ekki annað en hlegið.

„Ég gæti nefnt þessa mynd af Eddu Björg­vins­dótt­ur í hlut­verki Vig­dís­ar Finn­boga­dótt­ur í ára­móta­s­kaup­inu 1994. Þetta var atriði sem þar sem Vig­dís Finn­boga­dótt­ir var að panta fjór­ar heimsend­ar pítsur með ein­hverju alþjóðlegu ofaná­leggi, helst frönsku. Það er til marks um breytt­an tíðaranda að þetta vakti tölu­vert fjaðrafok í fjöl­miðlum og þótti þetta ógeðfelld aðför að for­set­an­um og for­seta­embætt­inu,“ seg­ir Krist­ín Svava. 

Tengd­ar frétt­ir

Bóka­land

Hverj­ar eru bestu hljóðbæk­ur árs­ins?

• Barna­bók árs­ins er æv­in­týra­lega skemmti­leg
• „Hann á hrós skilið fyr­ir að kasta sér út í þetta“
• Besta glæpa­saga árs­ins þrátt fyr­ir blóðbaðið
• Opn­ar upp á gátt í bestu skáld­sögu árs­ins

» Fleiri tengd­ar frétt­ir

• Blogga um frétt