Ostadýfurétturinn sem unga kynslóðin kýs að kalla „eðlu“ hefur náð auknum vinsældum á undanförnum misserum eftir tilkomu facebookhópanna Beautytips og Sjomlatips. Þeir sem kunna vel að meta þennan rétt, sem í heyrist „tsssss“ þegar hann er tekinn út úr ofninum, ættu kannski að prófa að taka hann á næsta stig.

Á heimasíðu Buzzfeed má finna samantekt af nokkrum girnilegum ostadýfuréttum. Hérna kemur einn af listanum, þessi er fyrir sannkallaða sælkera.

Hráefni:

• 200 g nautahakk
• 8 beikonsneiðar
• ½ laukur, skorinn smátt
• 1 hvítlauksgeiri, saxaður
• 100 g rjómaostur
• 1 matskeið Worcestershire-sósa
• 2 matskeiðar tómatsósa
• ½ bolli sýrður rjómi
• ¼ bolli majónes
• ½ bolli rifinn mozzarella-ostur
• ½ bolli rifinn cheddar-ostur

Aðferð:

1. Forhitaðu ofninn í 180°C.
2. Eldaðu nautahakkið.
3. Steiktu beikonið þar til stökkt.
4. Svissaðu lauk og hvítlauk á pönnu.
5. Blandaðu rjómaosti, sýrðum rjóma, majonesi, osti, Worcestershire-sósu og tómatsósu saman í stóra skál og hrærðu. Bætti nautahakki, beikoni, lauk og hvítlauk saman við og hrærðu vel.
6. Helltu blöndunni í eldfast mót og bakaðu í 15-20 mínútur. Þá er bara að grípa í snakkpokann og njóta. Gerist ekki mikið sveittara en þetta.

Uppskriftin kemur upprunalega af heimasíðunni RainingHotCoupon.

Svona flögur bragðast vel með „eðlu“.

Tengdar fréttir

Uppskriftir

Súpergóð krispí túnfiskskál

• Heitt aðventusúkkulaði sem rífur í
• Hátíðarís með hvítu súkkulaði og piparkökum
• „Eftirréttirnir eru mín deild, þar á ég heima“
• Sörurnar hans Finns fanga bæði augu og munn

» Fleiri tengdar fréttir

• Blogga um frétt