Hver kannast ekki við nöldur og tuð þegar kemur að því að borða afganga frá kvöldinu áður. En hvað ef þú tekur afgangana og býrð til úr þeim nýja og spennandi rétti? Í þetta skipti eldaði Óskar klassískt pasta bolognese sem öllum þykir gott. Til að þurfa ekki að vera sífellt að kaupa í matinn og ákveða nýja rétti, er tilvalið að elda ríflega af hakkinu og eiga afganga sem nýta má í tvo nýja rétti, chili con carne og gratinerað bolognese. Uppistaðan í kjötsósunni er hakk, laukur, hvítlaukur, paprika, chili, tómatpastasósa og krydd en uppskriftina má sjá á mbl.is. Hér eru svo hugmyndir að hakkinu í nýjum búningum!

Matreiðsla á mbl.is, Óskar Finnsson Ásdís Ásgeirsdóttir

Gratínerað Bolognese

Takið afganginn af bolognese-rétti og hitið í örbylgju þar til orðið nokkuð heitt. Hellið í eldfast mót og setjið ost yfir. Gott að nota ýmsar osttegundir sem þú átt og nýta þannig „gamla“ osta. Setjið í ofn á grill í ca. 5 mínútur eða þar til osturinn er gullinbrúnn. Mjög gott að bera fram með hvítlauksbrauði grilluðu með osti og salati eftir smekk.

Matreiðsla á mbl.is, Óskar Finnsson Ásdís Ásgeirsdóttir

Chili con carne með nachos eða taco-skeljum

Notið afgang af Bolognese sósunni hans Óskars, bætið út í chilibaunum (nýrnabaunum) og auka chilli eftir smekk.

Avocado mauk (guacamole)

Borið fram með salati, annaðhvort með nachos eða í taco-skeljum. Setjið smá sýrðan rjóma yfir og rifinn ost ef þú átt það til.

Hér nýtist maturinn vel og ítalski pastarétturinn er orðinn að mexikóskri veislu með lítilli fyrirhöfn.

Sjá líka hér: Kraft­mikið spa­getti sem gælir við bragðlauk­ana

Tengdar fréttir

Uppskriftir

Kartöflusalatið sem sló í gegn hjá Michelin-stjörnukokki

• Undursamlega góð bleikja í taílenskri sesam- og engifermaríneringu
• Rauðbeðuduftið gerir allt jólalegra
• Seytt rúgbrauð með reyktum silungi og sprettum sem steinliggur
• Osta- og hunangsveisla fyrir ostaunnendur

» Fleiri tengdar fréttir

Korter í kvöldmat

Ómótstæðilegar quesadillas á augnabliki

• Svo miklu meira en jólamatur
• Grísk lambapíta með engri fyrirhöfn
• Eins grískt og það getur orðið
• Best á öðrum degi

» Fleiri tengdar fréttir