Helga Guðrún býður upp á námskeið og fyrirlestra fyrir fyrirtæki og stofnanir um hugmyndafræðina "Þín eigin framleiðni" sem hún þróaði í meistaraverkefninu sínu, sjá heimasíðu: https://eiginframleidni.com/

Hún er einnig með facebook síðu þar sem hún fjallar um eigin framleiðni, https://www.facebook.com/eiginframleidni .

Hún las og greindi 40 vinsælustu sjálfshjálparbækurnar um eigin framleiðni á Amazon.com, 2013. Hún uppgötvaði að bækurnar fjalla allar um svipaðar hugmyndir sem hún flokkaði í 26 hugtök. Hún setti þessi hugtök upp í ramma eftir því hvernig þau vinna saman til að hjálpa fólki ná markmiðum í lífinu, auka skilvirkni og afköst.

Helga Guðrún er með meistaragráðu í hugbúnaðarverkfræði og B.Sc. í lífefnafræði frá Háskóla Íslands. Hún var að vinna sem þróunarstjóri og verkefnastjóri hjá hugbúnaðarfyrirtækinu Handpoint. Hún byrjaði í doktorsnámi í iðnaðarverkfræði við Háskóla Íslands 2016, þar sem hún rannsakar framleiðni þekkingarstarfsmanna.