Alsæla á frumsýningu Hetjum Valhallar

Teiknimyndin Hetjur Valhallar var forsýnd í vikunni. Myndin hefur fengið stórkostlega dóma. Myndin er eitt stærsta kvikmyndaverk sem ráðist hefur verið í hérlendis. CAOZ framleiðir myndina og var hún gerð á sjö og hálfu ári. Þetta er ekki fyrsta teiknimyndin sem CAOZ gerir því fyrirtækið gerði einnig  Litlu ljótu lirfuna og Önnu og skapsveiflurnar.

Leikstjóri myndarinnar er Óskar Jónasson og meðleikstjórar eru Toby Genkel og Gunnar Karlsson. Handritshöfundur er Friðrik Erlingsson og aðalframleiðendur eru Hilmar Sigurðsson og Arnar Þórisson.

Með helstu hlutverk í íslensku talsetningunni fara Atli Rafn Sigurðsson sem Þór, Þórhallur “Laddi” Sigurðsson sem Mjölnir, Egill Ólafsson sem Óðinn, Ágústa Eva Erlendsdóttir sem Edda, Katla Margrét Þorgeirsdóttir sem Hel, Ólafur Darri Ólafsson sem Þrymur, Ester Talía Casey sem Freyja, Helga Braga Jónsdóttir sem Mamma, Örn Árnason sem Heimdallur og Þröstur Leó Gunnarsson sem Sindri.