Geislandi páskagleði á Hverfisgötunni

Sjónvarpsmyndin Fiskar á þurru landi var frumsýnd í Bíó Paradís á Hverfisgötu fyrir sérvalda gesti í gærdag. Myndin verður sýnd um páskana á Rúv en hún er byggð á leikriti eftir Árna Ibsen.

Gummi og Gúa koma á gistiheimili í sjávarplássi og þar er hrist upp í tilveru þeirra. Handritið skrifuðu Sjón og Óskar Jónasson sem einnig er leikstjóri. Leikendur eru Hilmar Guðjónsson, Sara Margrét Nordahl, Ólafía Hrönn Jónsdóttir og Davíð Guðbrandsson.