Heiðar Jónsson fagnaði útkomu bókar sinnar, Litgreining og stíll, í Eymundsson. Fallegustu konur landsins létu sig ekki vanta eins og sjá má á myndunum. 

„Litaraft okkar og yfirbragð stjórna því hvaða litir klæða okkur. Þegar við notum ákveðna liti ýtum við undir ljóma okkar og fegurð en aðrir litir draga hins vegar fram þreytu- og öldrunareinkenni.

Litgreining skilgreinir okkur sjálf og hvað okkur hentar í fatnaði, förðun og fylgihlutum. Hún kallar fram okkar bestu hliðar.

Hún hjálpar okkur að skipuleggja fataskápinn. Við þurfum ekki að fylla hann af fötum sem við munum aldrei nota. Við komumst hjá rándýrum innkaupaslysum en lærum að nota þau föt sem fara okkur virkilega vel.

Jafnvel inni á heimilinu getur litgreining komið að gagni. Lærið að nota liti sem færa ykkur vellíðan og sálarró,“ segir um bókina á vef bókaútgáfunnar Sögur.