Það mættu um 300 manns í Útilíf í Kringlunni þegar íþróttamerkið Under Armour breiddi úr sér í versluninni og stækkaði um helming. Af því tilefni var slegið upp dásamlegu hádegispartíi þar sem boðið var upp á djús og samlokur. Til þess að kóróna allt hélt DJ Atli Kanill uppi stuðinu.

Sama dag og partíið var haldið var það tilkynnt úti í heimi að Gisele Bündchen væri nýtt andlit Under Armour og af því tilefni mætti hún í þáttinn til Jimmy Fallon og gerði þar höfuðstöðu eins og ekkert væri sjálfsagðara.