Sænski sendiherrann,  Bosse Hedbergm, bauð heim í sendiherrabústaðinn að Fjólugötu 9 í gær. Fjólugatan skartaði sínu fegursta þennan mjúka og milda miðvikudag og lagði matarilminn um götuna.

Gestir sendiherrans eiga það sameiginlegt að kunna vel að meta Svíþjóð og ferðaperlur landsins. Ævintýrakokkurinn Yesmine Olsson, sem uppalin er í Svíþjóð, reiddi fram þjóðarrétti Svía eins og prinsessukökur og Jansson's frestelse og Karl Olgeirsson lék á píanóið sænska tóna. Eins og sjá má á myndunum var glatt á hjalla og margar góðar sögur frá Svíþjóð látnar flakka.