Leikarinn Stefán Karl Stefánsson berst við veikindi þessa dagana. Vinir hans efndu til styrktartónleika í kvöld í Þjóðleikhúsinu. Bubbi Morthens, Úlfur Úlfur, Ný dönsk, Salka Sól, Laddi, Gói, Hansa og Selma, Jón Ólafsson, Regína Ósk, Valgeir Guðjónsson og Stuðmenn komu fram. Edda Björgvinsdóttir leikkona var kynnir. 

„Nú er rann­sókn­um að mestu lokið og meinið fundið og staðsett. Það virðist ekki stórt og vel skurðtækt sem eru bestu frétt­ir sem ég hef fengið. Gul­an er kom­inn úr hæstu hæðum og ég er far­inn að ná upp orku. Fer nú heim í leyfi í nokkra daga fram að aðgerð sem verður 4 októ­ber sem er ein­mitt skírn­ar­dag­ur­inn minn, fæðing­ar­dag­ur föðurafa míns og gift­ing­ar­dag­ur for­eldra minna, heppi­legri dag er ekki hægt að finna.
Kveðjur ykk­ar um bata styrk og bæn­ir hafa hjálpað mér ótrú­lega mikið að taka á þessu áfalli sem mun án efa breyta lífi mínu til fram­búðar. Ég er hins­veg­ar full­ur af já­kvæðni og bjart­sýni og tek ekki annað í mál en að koma eft­ir hlé og láta ykk­ur hlægja ennþá meir en fyr­ir hlé,“ sagði Stefán Karl á face­book-síðu sinni á dög­un­um. 

„Það er ómet­an­legt að eiga góða vini og fjöl­skyldu. Ég er klökk­ur, orðlaus vegna fram­taks­ins og þakka auðmjúk­ur fyr­ir fram­lag koll­ega minna sem ég er svo hepp­inn að gera kallað mína bestu vini líka,“ seg­ir Stefán Karl.