Það var glatt á hjalla í gær þegar útgáfu bókarinnar Drungi eftir Ragnar Jónasson var fagnað. Bókin fjallar um ungt par sem fer í rómantíska ferð á Vestfirði árið 1987. Þessi ferð endar á skelfilegan hátt sem á eftir að hafa afleiðingar. 

Ákaflega vel var mætt til Ragnars eins og sést á myndunum. Það sem vakti athygli er að það er eins og gestir hafi sammælst um að klæðast bláum fötum því varla var þverfótað fyrir bláklæddu fólki.