Mæðgurnar Eva María Jónsdóttir og Sigrún Ágústsdóttir létu sig ekki vanta þegar ný hönnunarlína FÓLK, sem er í eigu Rögnu Söru Jónsdóttur, var frumsýnd.  Um er að ræða vörulínuna Living Objects sem hönnuð er af Ólínu Rögnudóttur. 

Um er að ræða abstrakt hluti úr marmara og messing, sem hver um sig þjónar fleiri en einu hlutverki. 

FÓLK er íslenskt hönnunarfyrirtæki sem var stofnað árið 2017. Markmið FÓLKs er að vinna með framsæknum íslenskum hönnuðum til að hanna og þróa vörur sem styðja við sjálfbæran lífstíl og yfirfærslu yfir í hringrásarhagkerfið, og um leið að gefa hæfileikaríkum hönnuðum tækifæri á að fá hönnun sína „útgefna.“