Gleðin var við völd á Hilton Reykjavík Nordica þegar Sjallaball var haldið með miklum glans. Hljómsveitin Stjórnin hélt uppi stuðinu en Eyþór Arnalds tók lagið með hljómsveitinni og söng til dæmis Killing In the Name sem Rage Against The Machine gerði mjög vinsælt fyrir nokkrum árum. 

Boðið var upp á veglegan standandi kvöldverð og sá Bergur Ebbi um að skemmta fólki fyrir dansleik en veislustjórn var í höndum Loga Bergmanns Eiðssonar.