Lilja Pálma geislandi á sýningu Regínu Rourke

Listræni stjórnandinn og myndlistarkonan Regína Rourke sýndi verkin sín í Norr11 um helgina. Fjölmargir gestir sóttu sýninguna, þar á meðal Lilja Pálma sem virðist aldrei hafa geislað jafn mikið og nú. 

Það var fullt út úr dyrum á myndlistarsýningunni. Högni Egilsson og meðlimir Sinfóníuhljómsveitar Íslands sáu um tónlist og Dóri DNA hélt stutta tölu, við mikla hrifningu viðstaddra. Meðal gesta voru eins og fyrr segir bóndinn og hestaræktandinn Lilja Pálmadóttir, tónlistarmaðurinn Snny og fyrirsætan Sigrún Eva Jónsdóttir svo einhverjir séu nefndir. 

Regína var með tuttugu málverk til sýnis. Þau seldust öll upp á fyrsta hálftímanum.