Listmálarinn Helgi Þorgils Friðjónsson hefur rekið heimagalleríið Ganginn á vinnustofu sinni í 40 ár. Af því tilefni var boðið í fertugsafmæli í húsakynnum Gangsins sem nú er heimili listamannsins og eiginkonu hans, Rakelar Halldórsdóttur. 

Á Ganginum hafa þekktir listamenn haldið sýningar og hefur ríkt ákveðin stemning í þessu sýningarrými sem er heillandi. Þegar heimagalleríið varð 20 ára var haldin yfirlitssýning á Listasafni Reykjavíkur og fjallaði Morgunblaðið um þá sýningu.