Gísli Freyr Valdórsson almannatengill hjá KOM ráðgjöf fagnaði þeim áfanga að vera orðinn fertugur á föstudaginn. Veislan fór fram í Guðríðarkirkju. 

Afmælisbarnið er vinamargt og vinsælt og því var troðfullt út úr dyrum. Dómsmálaráðherra, Áslaug Arna Sigurbjörnsdóttir, hélt hressilega ræðu og það gerði Sigmundur Davíð Gunnlaugsson formaður Miðflokksins líka. Veislustjórn var í höndum Stefáns Einars Stefánssonar fréttastjóra viðskipta á Morgunblaðinu.

Afmælisbarnið fékk veglegar gjafir frá vinum og ættingjum og ætti að ná því að verða best klæddi veiðimaður landsins ef ekkert klikkar. 

Smartland sendir hamingjuóskir og minnir á að lífið byrjar um fertugt!