Íslenska kvikmyndin Þorpið í bakgarðinum, í leikstjórn Marteins Þórssonar, var frumsýnd í vikunni í Háskólabíói. Fólk sem elskar íslenskar bíómyndir fagnaði þessu ákaft enda hefur verið lítið um nýjar íslenskar myndir í bíó upp á síðkastið. 

Með aðalhlutverk í myndinni fara Sara Dögg Ásgeirsdóttir, Tim Plester og Laufey Elíasdóttir. 

Myndin fjallar um Brynju sem er fertug og lýkur dvöl á heilsuhæli í litlum bæ en treystir sér ekki til að snúa aftur til daglegs lífs í borginni. Hún kemur sér fyrir á gistiheimili þar sem hún kynnist Mark sem er 50 ára. Hann er ferðamaður á krossgötum í lífi sínu og bindast þau vinaböndum. 

Á frumsýningunni var margt um manninn og mikið fjör.