Sigþrúður Ármann hélt glæsilegt teiti í golfskála GKG í Garðabæ í vikunni til að fagna framboði sínu í prófkjöri Sjálfstæðisflokksins. Sigþrúður býður sig fram í 3. sæti. 

Sigþrúður er vinamörg eins og sést á myndunum. Í boðið mætti til dæmis Bjarni Benediktsson formaður Sjálfstæðisflokksins ásamt eiginkonu sinni, Þóru Margréti Baldvinsdóttur og dóttur þeirra, Helgu Þóru Bjarnadóttur. 

Þar var líka Þorsteinn M. Jónsson sem oftar en ekki er kallaður Steini í Kók og Magnús Ármann  en þeir tveir hafa sett svip á viðskiptalífið síðustu tvo áratugi. Í boðinu var líka bæjarstjórinn í Garðabæ, Gunnar Einarsson, Áslaug Hulda Jónsdóttir bæjarfulltrúi í Garðabæ og metsöluhöfundurinn Ragnar Jónasson.