Árni Snævarr yfirmaður upplýsingamála Norðurland SÞ er 60 ára í dag. Af því tilefni komu félagar hans honum á óvart í morgun með súkkulaðiköku. Smartland var að sjálfsögðu á svæðinu í morgun og þegar Árni var spurður að því hvernig tilfinning það væri að vera orðinn sextugur sagði hann að það væri sérstakt. 

„Það er alveg ömurleg tilfinning. Félagi minn gaf mér bókina Lífið eftir sextugt í morgunsárið. Þá setti að mér valkvíði um hvort ég ætti að henda mér út um gluggann eða drekkja mér í eldhúsvaskinum. Ákvað að fá mér síðasta expressóinn og haldið ekki að þá hafi Egill og Sigurveig mætt með kökuna á Kaffifélagið. Og þegar Egill Ólafsson átrúnaðargoð mitt frá því ég var unglingur - og fram á þennan dag syngur afmælissönginn, þá er það bara ekki svo slæmt að vera ofur sexý sextugt gamalmenni,“ segir Árni. 

Árni Snævarr er einhleypur og komst á lista yfir heitustu piparsveina Íslands á Smartlandi fyrir nokkru síðan. Þrátt fyrir að hafa verið tilnefndur hefur það ekki skilað árangri. 

„Ha? Af hverju ekki genginn út? Jú, það breytist allt núna. Núna er loksins komin dísæta útgáfan af mér. Held að konur vilji helst éta mig hér eftir,“ segir hann og hlær.