Dagur B. Eggertsson borgarstjóri Reykjavíkur hélt síðbúið útgáfuhóf fyrir bókina sína Nýja Reykjavík á fimmtudaginn. Vinir og vandamenn Dags mættu í Iðnó og fögnuðu með honum í góðum gír. 

Bókin Nýja Reykjavík kom út fyrir áramót og fjallar um umbreytingar í Reykjavík á undanförnum árum. Bókin fjallar einnig um Dag sjálfan og hvernig hann hefur þroskast samhliða borginni í störfum sínum.

Í gleðskapinn mættu meðal annars félagar Dags úr Samfylkingunni, foreldrar hans voru á staðnum og þekkt listafólk mætti eins og feðginin Kamilla Einarsdóttir og Einar Kárason. Eins og sjá má á myndunum var mikið stuð enda loksins hægt að fagna bókinni almennilega og halda alvöru veislu.