Bryndís Hera og Ásgeir Kolbeins upplifðu dýrðina

Það var einstök stemning í Laugarásbíó þegar íslenska kvikmyndin, Allra síðasta veiðiferðin, var frumsýnd. Myndin fjallar um fjallmyndarlegan fjármálaráðherra og drykkfelldan tengdaföður hans sem er forsætisráðherra. Sá síðarnefndi er leikinn af Sigurði Sigurjónssyni en Þorsteinn Bachmann leikur kvennaljómann sem kemst upp með allt - eða svona næstum því.

Kvikmyndin Síðasta veiðiferðin sló algerlega í gegn þegar hún var frumsýnd fyrir um einu og hálfu ári síðan og er þessi framhaldsmynd ekki síðri. 

Það var góð stemning í bíóinu þegar myndin var forsýnd enda hafa þeir Þorkell Harðar­son, kvik­mynda­fram­leiðandi og -leik­stjóri sem rek­ur fyr­ir­tækið Markell Producti­ons með vini sín­um Erni Marinó Arn­ar­syni, næmt auga fyrir fyndni. Allra síðasta veiðiferðin minnir á köflum á þá Klovn-bræður sem gera fátt annað en að ganga fram af fólki. Það er því vel hægt að segja að það hafi tekist.