Listasafn Reykjavíkur skartaði sínu fegursta þegar listamaðurinn Erró opnaði sýningu á verkum sínum. Sýningin Sprengikraftur mynda þykir áhugaverð fyrir margar sakir en á henni eru 300 verk sem listamaðurinn hefur gert í gegnum tíðina. Sýningin stendur til 29. september og ættu allir aðdáendur listamannsins að skoða það sem hann hefur fram að færa. 

Vel var mætt á opnunina á laugardaginn var en á föstudeginum bauð hann sínum bestu vinum að sjá verkin áður en sýningin var formlega opnuð. Það urðu fagnaðarfundir þegar Sigríður Björnsdóttir, sem er 93 ára, mætti til að líta verkin augun en hún er ekkja Dieters Roth myndlistarmanns.