Það var líf og fjör í Hörpu í gærkvöldi þegar Íslensku hljóðbókaverðlaunin, Storytel Awards, voru afhent í þriðja sinn í Norðurljósasal við hátíðlega athöfn. Daníel Ágúst mætti í bleikum jakkafötum og unnusta hans, Anna Kolfinna, var í bleikum kjól. Daníel Ágúst las bók Óskars Guðmundssonar, Dansarann, inn hjá Storytel hlaut bókin verðlaun fyrir glæpasögu ársins. 

Veitt voru verðlaun fyrir bestu hljóðbókina í flokkum barna- og ungmennabóka, glæpasagna, skáldsagna, rómantískra bóka og óskáldaðs efnis. Sér­stök heiður­sverðlaun voru af­hent fyr­ir ómet­an­legt fram­lag á sviði hljóðbóka, líkt og fyrri ár, en auk þess voru nú í fyrsta sinn af­hent sér­stök fag­verðlaun og verðlaun fyr­ir vin­sæl­asta hlaðvarpið.

Bækur sem hlutu verðlaun á Íslensku hljóðbókaverðlaununum

Barna- og ungmennabækur

Sögur fyrir svefninn

Höfundur: Eva Rún Þorgeirsdóttir

Lesari: Salka Sól

Skáldsögur

Bróðir

Höfundur: Halldór Armand

Lesarar: Þuríður Blær Jóhannsdóttir, Einar Aðalsteinsson

Óskáldað efni

Fjórar systur

Höfundur: Helen Rappaport

Lesari: Vera Illugadóttir

Þýðandi:  Jón Þ. Þór

Rómantík

Tengdadóttirin

Höfundur: Guðrún frá Lundi

Lesari: Silja Aðalsteinsdóttir

Fagverðlaun

Sigursteinn Másson fékk verðlaun fyrir Sönn íslensk sakamál og Vera Illugadóttir útvarpsstjarna fékk verðlaun fyrir Í ljósi sögunnar. Jóhann Sigurðarson leikari fékk heiðursverðlaun fyrir framlag sitt til íslenskra hljóðbóka