Kærustuparið Gríma Björg Thorarensen og Skúli Mogensen fögnuðu því á föstudaginn var að sjóböðin í Hvammsvík væru tilbúin. Í tilefni af því buðu þau í teiti í Hvammsvík þar sem gestum gafst kostur á því að baða sig. 

Fjölmennt var í boðinu en þangað mætti Áslaug Arna Sigurbjörnsdóttir ásamt föður sínum, Sigurbirni Magnússyni, og eiginkonu hans, Hlíf Sturludóttur. Þar var líka Bjarni Benediktsson og Þóra Margrét Baldvinsdóttir eiginkona hans. Listamaðurinn Sigurður Guðmundsson lét sig ekki vanta og heldur ekki Andri Guðmundsson forstjóri Ölgerðarinnar og eiginkona hans, Marín Magnúsdóttir. Þar voru líka Jónas Hagan og Jóhanna Sævarsdóttir en þau komust í fréttir um daginn þegar þau festu kaup á einni dýrustu íbúð landsins. 

Eins og sjá má á myndunum var afslöppuð og góð stemning en boðið var upp á hressandi drykki og ljúffengan mat.