Myndlistamaðurinn Sigurður Sævar Magnúsarson blés til heljarinnar kampavínsveislu í vinnustofu sinni að Barónsstíg 11a&b í gær. Tilefnið var að fagna íslensku sumri og einnig því að hann festi nýverið kaup á vinnustofunni sem er hin glæsilegasta. 

Helstu broddborgarar landsins fögnuðu með Sigurði Sævar og þömbuðu margar flöskur af eðalkampavíni frá Piper-Heidsiek.

Sigurður Sævar hefur verið áberandi í íslensku menningarlífi undanfarin ár en hann ákvað það ungur að árum að hann skyldi verða listamaður.