Það er aldrei leiðinlegt þegar konur hitta aðrar konur. Tala nú ekki um ef ofan á það bætast húðvörur, búbblur, súkkulaðihúðuð jarðarber og makkarónukökur. Það var einmitt þannig sem stemningin var í verslun Bioeffect við Hafnartorg þegar nýjar gjafaöskjur, sem hannaður eru af Kristjönu S. Williams, voru afhjúpaðar. 

Hægt er að fá hönnun Kristjönu í þremur mismunandi gjafasettum. EGF húðdroparnir frá Bioeffect eru löngu búnir að sanna sig enda seldir í verslunum um allan heim. 

Liv Bergþórsdóttir forstjóri Bioeffect var í bleikum samfestingi í boðinu en það sem vakti athygli var hvað kvenpeningurinn var litríkur þennan seinnipart í október. Grænir jakkar, bleikir jakkar, bláar kápur og beige-litaðir tónar réðu ríkjum.