Margrét Lára Viðarsdóttir, knattspyrnustjarna og sálfræðingur, opnaði nýverið Heil heilsumiðstöð með góðum félögum. Fullt var út að dyrum þegar hópurinn fagnaði nýju stöðinni á dögunum. 

Miklir reynsluboltar á sviði sjúkraþjálfunar, sálfræði og næringarþjálfunar standa að Heil heilsumiðstöð. Meðal þeirra er eiginmaður Margrétar Láru, sjúkraþjálfarinn Einar Örn Guðmundsson. Knattspyrnukonan og næringarfræðingurinn Elísa Viðarsdóttir starfar einnig á stöðinni en hún er einmitt systir Margrétar Láru. Fremstu knattspyrnukonur síðustu ára voru að sjálfsögðu mættar í opnunarpartíið.