Evrópsku kvikmyndaverðlaunin verða haldin hérlendis hinn 10. desember í Hörpu. Af því tilefni er nóvember tileinkaður evrópskri kvikmyndagerð í Bíó Paradís og þar gefst landsmönnum tækifæri á að sjá myndirnar sem eru tilnefndar. Það var einstaklega góð stemning í Bíó Paradís á sunnudagskvöldið þegar myndin Átta fjöll var sýnd. Það var sendinefnd Evrópusambandsins sem efndi til sýningarinnar. 

Margt var um manninn á sýningunni. Þar voru Andrew Byrne, sendifulltrúi hjá sendinefnd ESB, kvikmyndagerðarmennirnir Baltasar Kormákur og Sigurjón Sighvatsson, Lilja Alfreðsdóttir menntamálaráðherra og Guðmundur Kristjánsson forstjóri Brims svo einhverjir séu nefndir.