Hjónin Milla Ósk Magnúsdóttir aðstoðarmaður ráðherra og Einar Þorsteinsson formaður borgarráðs voru í góðum gír þegar danska leikritið Mátulegir var frumsýnt í Borgarleikhúsinu á föstudaginn. 

Leikritið er sviðsútgáfa af hinni geysivinsælu dönsku mynd Druk sem kom út árið 2020. Myndin vann meðal annars Óskarsverðlaun sem bestu erlenda myndin.

Í Mátulegum ákveða fjórir menntaskólakennarar á miðjum aldri að gera tilraun til að sannreyna kenninguna um að manneskjan sé fædd með of lítið áfengismagn í blóðinu. Það gengur vægast sagt misjafnlega eins og þeir Halldór Gylfason, Hilmir Snær Guðnason, Jörundur Ragnarsson og Þorsteinn Bachmann túlka á einstakan hátt.