Það var vor í lofti í gær á Klapparstígnum þegar skóverslunin Fló bauð í sumarteiti. Franska hönnunarmerkið Sok Sabaï var með pop-up í skóversluninni og Kristín Johansen eigandi Fló bauð upp á hressandi sumarkokteila. 

Hönnunarmerkið Sok Sabaï blandar saman áhrifum frá Frakklandi og Kambodíu. Náttúruleg gæða efni, fáguð snið og þægindi er kjarninn í hönnuninni sem er innblásin af „slow fashion“ hugmyndafræðinni þar sem hver flík er einstök. Eigandi og yfirhönnuður Sok Sabaï er Sovandy Kong.