Ekki málið eftir leikskáldið og leikstjórann, Marius von Mayen­burg, var frumsýnt á laugardagskvöldið í Þjóðaleikhúsinu. Um er að ræða þriðja leik­rit þríleiks hans sem var heims­frum­sýnt í hans leik­stjórn þetta kvöld. 

Ilmur Kristjánsdóttir og Björn Thors fara með aðalhlutverkin en þau leika hjón á framabraut. Í leikritinu er hlutverkum snúið við og margt sagt sem kannski hefði verið betra að væri ósagt. 

„Þegar leik­ari leik­ur ras­ista á sviðinu finn ég allt í einu að ég gæti líka verið ras­isti. Að við finn­um að við erum ekki svo fram­andi hvert fyr­ir öðru; fólk eða gerðir, sem virðast okk­ur fjar­læg, verða allt í einu mjög ná­læg, manni bregður og ger­ir sér grein fyr­ir að maður gæti verið Óþelló eða jafn­vel Jagó. Þessi mögu­leiki leik­hús­ins á að gera manni kleift að sam­sama sig, sjá sig í öðrum, er mjög verðmæt­ur og lyk­i­lá­stæða fyr­ir því að við þurf­um á leik­húsi að halda,“ sagði Mayenburg í viðtali við Karl Blöndal sem birtist í SunnudagsMogganum um síðustu helgi. 

Eins og sést á myndunum voru frumsýningargestir í spariskapinu!