Íris Ósk Laxdal eigandi íslenska húðvörumerkisins Angan Skincare bauð í teiti í höfuðstöðvum fyrirtækisins í Kópavogi. Í boðinu kynnti Íris nýjan áfyllingarbar en þangað getur fólk komið og fyllt á brúsana sína og aukið sína einkaumhverfisvernd. 

Vel var mætt í boðið af fólki sem er annt um húðina og heilsuna. Meistarakokkurinn Hrefna Sætran gaf sér tíma til þess að standa upp frá pottunum og bauð dóttur sinni með í Kópavoginn. Þar var líka ljósmyndarinn Kári Sverriss sem slegið hefur í gegn á heimsvísu og líka Ásta Kristjánsdóttir ljósmyndari sem hefur myndað allar helstu fyrirsætur landsins og örugglega alheimsins líka. 

Heilsukokkurinn Helga Margrét Gunnarsdóttir var á svæðinu og líka leikkonan Kristín Pétursdóttir. Sætu systurnar Marta og Matthildur Lind Matthíasdóttur létu sig heldur ekki vanta og heldur ekki stílistinn Ellen Loftsdóttir.