Kvenorkan var í fyrirrúmi þegar afmælisdrottningarnar Ásdís Spanó myndlistarmaður og Arna Gerður Bang alþjóðastjórnmálafræðingur héldu upp á 100 ára afmæli sitt en báðar fagna þær því um þetta leiti að fylla fimm tugi.

Kvennaboðið var haldið í gamla Kvennaskólanum sem nú er hluti af Iceland Parliament Hotel við Austurvöll. Yfir 100 konur mættu í boðið og var glimrandi gleði í glæsilegum sal gamla Kvennaskólans þar sem hanga listaverk eftir yfir 40 íslenskar myndlistarkonur.  Daníel Ágúst Haraldsson söng GusGus lög og var stemningin mögnuð.  Boðið var upp á léttar veitingar frá veitingastaðnum Hjá Jóni.