Andrea Magnúsdóttir fatahönnuður bauð í teiti á fimmtudaginn var til þess að fagna 14 ára afmæli verslunar hennar, Andreu. Á þessum 14 árum hefur verslunin flutt nokkrum sinnum innan bæjarins og er nú staðsett á Norðurbakkanum. Andrea er með sitt eigið fatamerki en hefur síðustu ár einnig selt úrvalshönnun frá meginlandinu. 

Allar helstu drottningar Hafnarfjarðar og nærsveita lögðu leið sína í afmælisveisluna þar sem boðið var upp á freyðivín og kökur. 

Hin næma og ofurklára Sigga Kling spáði fyrir gestum. Hún var með spákort sín meðferðis og kepptust drottningarnar um að draga kort enda alltaf gott að fá örlítinn leiðarvísir þótt vegur lífsins sé beinn og breiður.