Ársfundur atvinnulífsins var haldinn á fimmtudaginn var í Borgarleikhúsinu. Á fundinum voru málefni samfélagsins rædd og hvernig hægt væri að bæta lífskjör landsmanna. Halldór Benjamín Þorbergsson forstjóri Regins lét sig ekki vanta og heldur ekki Guðrún Ása Björnsdóttir læknir og aðstoðarmaður Willum Þórs Þórssonar heilbrigðisráðherra. Sigríður Margrét Oddsdóttir framkvæmdastjóri Samtaka atvinnulífsins hélt jómfrúarræðu sína en hún tók nýlega við starfinu af Halldóri Benjamín. Samtaka um aukna hagsæld var yfirskrift erindis Sigríðar Margrétar. 

Katrín Jakobsdóttir forsætisráðherra flutti árlegt ávarp sitt á fundinum og púlsinn var tekinn á forystusveit Húss atvinnulífsins þvert á atvinnugreinar. 

Að fundi loknum var boðið upp á hressandi veitingar í forsal Borgarleikhússins þar sem fólk skálaði yfir hressandi tónum blásturssveitar Hauks Gröndal.