Auglýsingastofan Cirkus hélt upp á þriggja ára afmæli sitt á fimmtudaginn var. Vel var mætt í boðið og skáluðu veislugestir fyrir góðum árangri stofunnar. Boðið var upp á girnilegar veitingar frá Skreið og Ölgerðinni. 

Rósa María Árnadóttir tók nýlega við sem framkvæmdastjóri Cirkus en áður var hún viðskiptastjóri hjá auglýsingastofunni Hvíta húsinu. Á sama tíma og Rósa María tók við starfinu var Rakel Tómasdóttir listamaður ráðin grafískur hönnuður stofunnar en hún hefur getið sér gott orð fyrir verk sín.