Drottningar flykktust á Seltjarnarnes til að finna ilminn

Golfskálinn á Seltjarnarnesi ilmaði vel á dögunum þegar Zarkoperfume og Zarko Beauty By Oli buðu í teiti. Drottningar úr öllum helstu bæjarhlutum lögðu leið sína út á Seltjarnarnes til þess að fylla vitin af góðri lykt. Auk þess var boðið upp á girnilegar veitingar í föstu og fljótandi formi sem runnu ljúflega niður.

Zarkoperfume eru ilmir sem eru framleiddir í Danmörku. Þeir eru í hinum heillandi skandínavíska anda þar sem tekið er tillit til loftslagsmála, lífsstíls og fagurfræði. Hver og einn ilmur býr yfir töfrum og þokka.