Pallíettur og glimmer voru áberandi í klæðaburði borgarstjórnarkvenna á árshátíð borgarstjórnar Reykjavíkur í gær. Af myndum og myndböndum að dæma, sem borgarfulltrúar hafa deilt á samfélagsmiðla, var mikil stemning á árshátíðinni.

Um er ræða síðustu árshátíð Dags B. Eggertssonar sem borgarstjóra, allavega í bili, en Einar Þorsteinsson, oddviti Framsóknarflokksins, tekur við sem borgarstjóri 16. janúar.

Árshátíðin var haldin í sögufræga húsinu Höfða. DJ Dóra Júlía var á meðal þeirra sem tróðu upp og skemmtu stjórnmálamönnunum.