Smartland Mörtu Maríu | Samkvæmislífið | mbl | 17.1.2024 | 13:22 | Uppfært 18.1.2024 10:08

Nóttin: Árni Oddur og Kristrún ástfangin og leynipartí

Dagarnir hafa verið viðburðaríkir hjá Jóni Ívari, Árna Oddi, Kristrúnu, Diljá Mist, Röggu Theó og Ölmu. Samsett mynd

Nóttin smitaðist af forsetaframboðskvíða í lok síðustu viku og þurfti að hringja sig inn veika. Nóttin er meðvirk og með greinda kvíðaröskun eins og annað fólk á þrítugsaldri. Nóttin lá bókstaflega undir feldi eins og 50 plús fólkið.

Nóttin mætti ekki í forsetaframboðsafmæli Sigríðar Hrundar Pétursdóttir á Kjarvalsstöðum á föstudaginn enda bara eitthvað svo rangt við vinnupall á listasafni. Það er líka eitthvað rangt við forseta með FKA-týpugleraugu á Bessastöðum. Og svo er nýja konan hans pabba líka með slík gleraugu! Í afmælinu var hins vegar Hödd Vilhjálmsdóttur með ofurhárið sitt og sendiherra Bandaríkjanna Carrin Patman sem er auðvitað ekki með kosningarétt á Íslandi.

Sigríður Hrund Pétursdóttir. mbl.is/Kristinn Magnússon

Frétt af mbl.is

Allt á útopnu í framboðsafmæli Sigríðar á Kjarvalsstöðum

Nóttin mætti á Þorrablót KR á laugardagskvöldið með miklar væntingar ásamt nokkrum vinkonum í lausagangi. Áslaug Kristjánsdóttir kynlífsfræðingur var mætt með góð ráð. Fyrrverandi ráðherrarnir Sigríður Andersen og Hanna Birna Kristjánsdóttir blótuðu þorrann í Vesturbænum. Ofurparið Árni Oddur Þórðarson, fyrrverandi forstjóri Marel og Kristrún Auður Viðarsdóttir, fjárfestingastjóri hjá Íslandssjóðum, voru ástfangin upp fyrir haus. Gísli Marteinn Baldursson var í sérstaklega miklu stuði enda enn í jólafríi. Nóttin er að tengja við Gilla sinn enda væri hún alveg til í langt jólafrí og vinna bara einu sinni í viku. Allir Píratarnir í 101 og 107 voru á frumsýningu Íslenska dansflokksins í Borgarleikhúsinu á sama tíma. Þar var að sjálfsögðu uppáhaldsvinkona Nóttarinnar Berglind Festival.

Frétt af mbl.is

Tryllt stuð í Vesturbænum

Kristrún Auður, Árni Oddur, Áslaug, Sigríður Andersen og Hanna Birna mætti á Þorrablót KR. Samsett mynd

Á þorrablótinu voru aðeins of mikið af súrum pungum og engan sjáanlega afla að fá. Nóttin fór í miðbæinn og hún hlýjaði sér á Kalda í stutta stund en alls ekki með það markmið að ná sér í lífsförunaut. Hún hefur ekki áhuga á manni í Félagi eldri borgara eða einhverjum sem á tvö börn með fjórum konum. Á Kalda voru nokkrir fastagestir eins og Kjartan Magnússon borgarfulltrúi. Fjölmiðlasysturnar Alma og Lára Ómarsdætur voru einnig inni á staðnum. Alma var væntanlega ekki að gera ráð fyrir eldgosi daginn eftir!

Mesta stuðið var auðvitað á Petersen svítunni. Þar var leynipartí fyrir ungt hægrisinnað fólk. Þegar kemur að stjórnmálum kýs Nóttin aðallega stemningu og á Petersen var engin verðbólga. Ofurskvísan Ragga Theó var flottust á svæðinu. Þingkonan Diljá Mist Einarsdóttir lætur sig aldrei vanta í gott partí. Hún kom beint frá Tenerife með svaka tan í glimmerbuxum. Tenerife fer auðvitað miklu betur með fólk en Grafarvogurinn. Sveitungi hennar úr voginum, Steinar Ingi Kolbeins aðstoðarmaður Guðlaugs Þórs Þórðarsonar, var líka á svæðinu en hann er kannski aðeins of ungur fyrir Nóttina. Nóttin slysaðist í Grafarvoginn í fyrra og er viss um að flugferðin til Tene kosti jafn mikið og taxi upp í Grafarvog. Hún skrifaði auðvitað bara leigubílinn á stofuna hans pabba.

Þynnkudagur er haldin hátíðlegur á sunnudögum hjá Nóttinni. Á mánudaginn lét hún verða að því að fara út í vinnuna og mætti líka í Laugar í hádeginu. Þar var læknaguðinn Jón Ívar Einarsson að rífa í lóðin. Nóttin gleymdi alveg rútínunni sinni þennan mánudaginn og reyndi aðallega að fara í tæki þar sem hún sá til hans. Það eru greinilega allir að æfa vel og frétti Nóttin af ofurhjónunum Baldri Þórhallssyni stjórnmálafræðingi og Felix Bergssyni leikara í Crossfit Reykjavík.