Það var margt um manninn þegar Erla Björnsdóttir, sálfræðingur og svefnsérfræðingur, bauð í boð til þess að kynna nýtt app, SheSleep, sem er sérhannað fyrir konur.

Boðið var upp á léttar veitingar og svo kom Lilja Birgisdóttir listamaður sem rekur Ficher og kynnti nýjan svefnilm sem á að hjálpa konum að sofna. Plötusnúðurinn Dóra Júlía Agnarsdóttir spilaði skemmtilega tónlist og sá til þess að enginn sofnaði úr leiðindum. 

Eins og sést á myndunum var góð mæting og allir alveg glaðvakandi!