Mikið stuð var í Smárabíó á miðvikudaginn þegar kvikmyndin Einskonar ást var forsýnd. Umfjöllunarefni kvikmyndarinnar hefur vakið mikla eftirtekt en kvikmyndin fjallar meðal annars um flókin ástarsambönd og OnlyFans. 

Sigurður Anton leikstýrir og skrifar handritið að Einskonar ást. Með helstu hlutverk fara þær Kristrún Kolbrúnardóttir, Edda Lovía Björgvinsdóttir, LauraSif Nóra og Magdalena Tworek. 

Kristrún Kolbrúnardóttir ræddi um ferilinn og kvikmyndina í viðtali við Smartland um síðustu helgi. „Frá því ég las hand­ritið fyrst fannst mér þetta vera ástar­saga um nú­tíma­sam­bönd og óhefðbund­in sam­bönd. Tvær aðal­per­són­urn­ar sem eru kon­ur eru í fjar­sam­bandi og að ein­hverju leyti í opnu sam­bandi. Mér finnst þetta vera ný og spenn­andi pæl­ing,“ sagði Kristrún um myndina.  

Edda Lovísa, fyrrverandi OnlyFans-stjarna, leikur í myndinni en hún hefur raunverulega reynslu af OnlyFans. Edda Lovísa hefur nú snúið sér að hefðbundinni leiklist eins og má sjá í kvikmyndinni Einskonar ást.