Hjörvar Hafliðason, hlaðvarpsstjarna í Dr. Football, fagnaði 6 ára afmæli hlaðvarpsins í Keiluhöllinni en hann hefur verið í samstarfi við staðinn. Í leiðinni endurnýjaði hann samninginn. Hjörvar veitti Stefáni Pálssyni heiðursverðlaun Dr. Football og Club Dub og Daniil trylltu lýðinn eins og sagt er. Hjörvar sjálfur spilaði Ölsen Ölsen við heppna aðdáendur. 

„Doktorinn er hæstánægður. Honum hefur liðið frábærlega í Keiluhöllinni undanfarin ár með ískaldan Tuborg í seilingarfjarlægð. Þessi nýi samningur kórónar frábært samferðalag síðustu ára og eru frábærar fréttir fyrir aðdáendur Doktorsins sem hafa fyllt Sportbarinn í Keiluhöllinni mánaðarlega á Pub Quizunum og munu gera áfram næstu árin,“ segir Hjörvar Hafliðason.