Tinna Brá Baldvinsdóttir, eigandi hönnunarverslunarinnar Hrím, varð fertug 26. júní. Á laugardaginn hélt hún upp á afmælið með frumlegum hætti. Gleðin byrjaði á Reykjavík Röst en svo var marserað þaðan og niður á höfn þar sem snekkja beið gestanna. Ari Eldjárn, einn vinsælasti grínisti landsins og kærsti Tinnu, trommaði með hópinn á milli staða enda mikill stemningsmaður. 

„Vá hvað það er gaman að halda upp á afmælið sitt umvafin svona góðu og skemmtilegu fólki. Takk fyrir að halda svona geggjað partý með mér elsku Ari minn. Trúi því varla að við höfum náð að rigga upp salnum á 1 klst. og færa svo fjörið yfir í bát, með geggjaðri skrúðgöngu.Takk allir sem hjálpuðu til og gerðu kvöldið ógleymanlegt! Takk fyrir komuna, takk fyrir fjörið, takk fyrir samveruna, takk fyrir gjafirnar og takk fyrir mig,“ segir Tinna á félagsmiðlinum Facebook.