Það var líf og fjör í verslun Yeoman á Menningarnótt og létu gestir kuldann ekki á sig fá. Verslunin fagnaði nýrri línu Hildar Yeoman, „Riders Of The Storm“, sem var undir miklum áhrifum frá heimi kúrekanna. 

Í línunni má sjá stílhreinar prjónaflíkur, klassískum drögtum, silkibuxum og fallegum kjólum sem fanga vel haustið og komandi vetrartíð. Það myndaðist frábær stemning fyrir framan verslunina þegar dansarahópur fékk gesti og gangandi í snúning með sér. Plötusnúðurinn Dóra Júlía spilaði undir, popp-slagara og stuðtónlist. Veislan lukkaðist ótrúlega vel að sögn Hildar.