Edda Hermanns, Birgitta, Ragnhildur Steinunn og Sigrún Ósk í stuði

Það var vel mætti þegar eigendur húsgagnaverslunarinnar Verona slógu upp teiti í gær til að fagna ítalska vörumerkinu Molteni&C sem er fáanlegt í yfir 80 löndum. Ragn­hild­ur Stein­unn Jóns­dótt­ir sjón­varps­kona festi kaup á versl­un­un­um Dux­i­ana og Gegn­um glerið í fyrra og í framhaldinu breyttu þau nafninu í Verona. Hún rekur verslunina ásamt eiginmanni sínum, Hauki Inga Guðna­syni og vin­hjón­un­um Mart­inu Vig­dísi Nar­dini og Jóni Helga Er­lends­syni. 

Innanhússarkitektarnir Rut Káradóttir, Hanna Stína Ólafsdóttir og Ragnar Sigurðsson létu sig ekki vanta en þau eiga það sameiginlegt að elska Ítalíu eftir að hafa lært fagið þar. Hafsteinn Júlíusson og Karitas Sveinsdóttir úr Haf Studio létu sig heldur ekki vanta og heldur ekki Edda Hermannsdóttir markaðs- og samskiptastjóri Íslandsbanka, Finnur Oddsson framkvæmdastjóri Haga, Brynja Baldursdóttir, forstjóri Motus og eiginmaður hennar Jón Guðni Ómarsson, bankastjóri Íslandsbanka. Þar voru líka kunnugleg andlit af sjónvarsskjánum eins og Sigrún Ósk Kristjánsdóttir og Eva María Jónsdóttir miðaldafræðingur og jógakennari.