Ljósvíkingar - Saga um vináttu var frumsýnd á Ísafirði í lok síðustu viku fyrir troðfullu húsi. Myndinni var afar vel tekið og hefur verið uppselt á hverju einustu sýningu síðan. 

Viðstödd frumsýninguna á Ísafirði voru aðalleikararnir Björn Jörundur Friðbjörnsson, Arna Magnea Danks, Helgi Björnsson og Vigdís Hafliðadóttir, auk leikstjóra, framleiðenda og fjölmargra annarra sem komu að gerð myndarinnar. Myndin er að mestu leyti tekin á Ísafirði.

Ljósvíkingar fjallar um æskuvini sem rekið hafa vinsælan fiskveitingastað um árabil. Þegar annar þeirra kemur út úr skápnum sem kona, renna upp erfiðir tímar í sambandi og samstarfi vinanna.