Björk Eiðsdóttir upplýsingafulltrúi Björgólfs Thors Björgólfssonar fagnaði 50 ára afmæli sínu 13. september. Björk fæddist föstudaginn 13 og því ekki úr vegi að slá upp veislu á afmælisdaginn sjálfan. Af því tilefni sló hún upp garðveislu fyrir utan heimili sitt í 102 í Reykjavík. Fjölskyldan hefur staðið í ströngu síðustu mánuði og hafa pallar verið smíðaðir og fleira til þess að gera þessa afmælisveislu sem glæsilegasta. 

Karl Ægir Karlsson, sambýlismaður Bjarkar, var veislustjóri í afmælinu og svo kom Björn Jörundur Friðbjörnsson og skemmti gestum og það gerðu líka Freyr Eyjólfsson og Halldór Gylfason. 

Boðið var upp á nokkrar tegundir af Paellu og voru það Karl Ægir Karlsson og vinir hans sem elduðu matinn. 

Það er vel hægt að segja að vinir Bjarkar hafi skemmt sér fyrir allan peninginn því stemningin var ógleymanleg. Enda öllu til tjaldað!