Það var einstök gleðistemning í Þjóðleikhúsinu þegar íslenska stykkið Eltum veðrið var frumsýnt á föstudaginn. Þegar gesti bar að garði var búið að koma upp hjólhýsabyggð fyrir utan Þjóðleikhúsið þar sem leikarar sýningarinnar spiluðu og gítar líkt og fólk væri í Þjórsárdal eða í Þórsmörk.
Stykkið fjallar um skrautlegan vinahóp sem fer í sína árlegu útilegu. Þessir útilegugestir eru með allt á hreinu og eru með rétta hjólhýsið í eftirdragi, rétta kjötið, sándboxið og nóg af hitaeiningasnuðum bjór!
En nú er samt ekkert eins og það var, því það vantar eina í hópinn. Hver og einn er með sínar hugmyndir um það hvernig eigi að bregðast við nýrri stöðu og hin árlega samkoma vinahópsins tekur óvænta og stórvarasama stefnu. Veit Hjálmar um öskuna? Nær Guðrún að loka stóra málinu? Mun viðhafnarnámið nýtast Andra á toppnum? Þarf að fela vínið fyrir Rögnu? Og er David Clark allur þar sem hann er séður?
Eygló Hilmarsdóttir, Guðjón Davíð Karlsson, Hallgrímur Ólafsson, Hildur Vala Baldursdóttir, Hilmar Guðjónsson, Ilmur Kristjánsdóttir, Sigurður Sigurjónsson og Þröstur Leó Gunnarsson eru leikarar sýningarinnar.
Leikhópurinn og Kjartan Darri Kristjánsson leikstýra verkinu og Sváfnir Sigurðarson sér um tónlistina. Ilmur Stefánsdóttir leikmyndahönnuður hannaði leikmyndina og Þórhildur Sunna Jóhannsdóttir sá um búningahönnun. Jóhann Bjarni Pálmason sá um lýsingu og hljóðhönnun var í höndum Arons Þórs Arnarssonar.