Leikkonan Aníta Briem fer með eitt af aðalhlutverkunum í Ráðherrann 2. Þar fer hún með hlutverk Steinunnar sem er eiginkona Benedikts sem Ólafur Darri Ólafsson leikur. Fyrsti þáttur verður frumsýndur á Rúv á sunnudaginn en í gærkvöldi var forsýning í Bíó Paradís. 

„Það er alltaf jafn taugtrekkjandi að mæta á frumsýningar,“ segir leikkonan Aníta Briem í samtali við Smartland og játar að hafa verið með hnút í maganum. 

„Þetta er svo stórt að horfa á með áhorfendum í fyrsta skipti. Fyrir mig persónulega þá get ég sagt að í lok þáttarins voru farin að leka niður tár og dóttir mín, sem var með mér á sýningunni, gerði grín að mér,“ segir Aníta.

Hún er stolt af þessari vinnu og segir að það sé svolítið kómískt að vera alltaf með hnút í maganum á frumsýningum sem þessum. Fyrir ári síðan var hún í svipuðum sporum þegar hún frumsýndi sína fyrstu þáttaröð, Svo lengi sem við lifum sem sýnd var á Stöð 2. 

„Þá var ég með hnút í maganum,“ segir hún og hlær. 

Flutti á Bárugötu eins og Steinunn

Ertu búin að sjá alla seríuna?

„Nei, ég er ekki búin að sjá neitt. Maður skilur allt eftir á gólfinu; blóð, svita og tár. Svo fer sköpunarferlið í klippiherbergið. Ég segi oft að svona finna sé þriggja parta sköpunarferli. Fyrst er að skrifa handritið, svo að eru það tökurnar og loks eftirvinnslan. Maður veita aldrei nákvæmlega hvernig útkoman verður,“ segir hún. 

Aníta segir að þetta hafi varið stórkostlegt ferli og það hafi verið gaman að vinna með þessu yndislega fólki sem koma að Ráðherranum 2. 

„Í þessari seríu flytja ráðherrahjónin frá Arnarnesinu yfir á Bárugötu. Ári eftir að tökum lauk er ég ólétt, eins og Steinunn er í þáttaröðinni, og er að flytja á Bárugötu eins og í seríunni. Svona getur lífið leikið eftir listinni,“ segir Aníta.