Óskaland eftir Bess Wohl var frumsýnt í Borgarleikhúsinu á föstudagskvöldið. Hilmir Snær Guðnason leikstýrir verkinu og lét hann sig ekki vanta á frumsýninguna, en með honum í för var kærasta hans, Vala Kristín Eiríksdóttir leikkona. 

Það var ekki þverfótað fyrir þekktu fólki á frumsýningunni. Anna Þóra Björnsdóttir gleraugnasali og uppistandari mætti í bleikum pels og tískulögregla númer eitt, Svavar Örn, mætti í svolítið ömmulegum jakka. Nína Dögg Filippusdóttir leikkona geislaði eins og sólin og það gerði Brynhildur Guðjónsdóttir borgarleikhússtjóri líka. Leikkona Aníta Briem mætti með dóttur sína og svo mætti lengi telja. 

Óskaland fjallar um Nönnu og Vill sem eru búin að vera gift allt of lengi. Þau sitja uppi með hvort annað eða þangað til hún leggur til að þau fari hvort í sína áttina. Við þetta fer allt á hliðina í fjölskyldunni sem hefur mikið skemmtanagildi fyrir áhorfendur.